२०२६ मध्ये आयोजित ४७ वा दिव्यांग आणि गरजू जोडप्यांचा भव्य सामूहिक विवाह सोहळा : दोन जिवांच्या या पवित्र रेशीमगाठींचे साक्षीदार व्हा!

या ४७ व्या सामूहिक विवाह सोहळ्यात कोण सहभागी होऊ शकतं?

या पवित्र सामूहिक विवाह सोहळ्यात सहभागी होण्यासाठी इच्छुक अर्जदारांनी खालील पात्रता पूर्ण करणे आवश्यक आहे :

• वधू आणि वर दोघांचीही आपापसात लग्नासाठी संमती असावी.
• वधूचे वय १८ वर्षांपेक्षा जास्त असावे.
• वराचे वय २१ वर्षांपेक्षा जास्त असावे.
• वधू किंवा वरांपैकी दोघातून एक जण दिव्यांग असावा, किंवा दोघेही अत्यंत गरीब कुटुंबातील असावेत.
• विवाह हिंदू धर्मातील रितीरिवाज, परंपरा आणि धार्मिक विधींनुसार पार पाडला जाईल.

अर्ज कसा करावा?

ज्या पात्र जोडप्यांना या सोहळ्यात सहभागी होऊन आपल्या नव्या आयुष्याची सुरुवात करायची आहे, ते ‘नारायण सेवा संस्थान’च्या www.narayanseva.org  या अधिकृत वेबसाईटला भेट देऊन ऑनलाईन अर्ज करू शकतात.

अधिक माहितीसाठी किंवा नोंदणीच्या मदतीसाठी अर्जदार ०२९४-६६२२२२२ या क्रमांकावर संपर्क साधू शकतात.

वधू-वरांसाठी सर्व सोयी-सुविधा पूर्णपणे मोफत!

आर्थिकदृष्ट्या दुर्बल आणि कमी उत्पन्न असलेल्या कुटुंबांसाठी मुला-मुलींचे लग्न करणे हा मोठा आर्थिक भार ठरू शकतो. कपडे, दागिने, सजावट, लग्नाचे जेवण आणि नव्या घरासाठी लागणाऱ्या आवश्यक वस्तूंची व्यवस्था करणे प्रत्येक कुटुंबाला शक्य असेलच असे नाही.

‘नारायण सेवा संस्थान’ दानशूर व्यक्तींच्या मदतीने लग्नाची ही संपूर्ण व्यवस्था अगदी मोफत करते, ज्यामुळे गरीब पालकांच्या डोक्यावरील हा भार हलका होतो.

कन्यादान आणि विवाह सेवेत सहभागी व्हा!

सनातन परंपरेत दानाला मन शुद्ध करणारे आणि मोठे पुण्य मिळवून देणारे कार्य मानले जाते. आर्थिकदृष्ट्या दुर्बल किंवा दिव्यांग कुटुंबातील मुलीच्या विवाहाला मदत करणे आणि तिच्या नव्या संसाराची सुरुवात करण्यासाठी हातभार लावणे ही एक चांगली सेवा मानली जाते.

असे म्हटले जाते:

कन्यादानं परम पुण्यं

स्वर्गं मोक्षं च विन्दति।

म्हणजेच, जो व्यक्ती निष्ठेने आणि सेवाभावाने कन्यादानात भाग घेतो, त्याला मोठे पुण्य मिळते आणि त्याच्यासाठी मोक्षाचा मार्ग सुकर होतो.

जेव्हा आपण एखाद्या गरीब किंवा दिव्यांग मुलीच्या लग्नासाठी खारीचा वाटा उचलतो, तेव्हा ती फक्त पैशांची मदत नसते; तर ती त्या मुलीच्या चेहऱ्यावरचा आनंद, तिच्या पालकांची चिंता मिटवणारा आधार आणि एका नव्या कुटुंबाची भक्कम पायाभरणी असते.

परोपकार हाच मानवी जीवनाचा खरा उद्देश!

नारायण सेवा संस्थानचे अध्यक्ष आणि ‘सेवक’ प्रशांत भैया यांच्या मते, समाजाची प्रगती केवळ भौतिक विकासामुळे होत नाही. समाजातील दुर्बल घटकांना सोबत घेऊन त्यांना मदत आणि आधार देणेही तितकेच महत्त्वाचे आहे. आपल्या धर्मग्रंथांमध्येही निःस्वार्थ सेवेचे महत्त्व सांगितले आहे :

परोपकाराय फलन्ति वृक्षाः।

परोपकाराय वहन्ति नद्यः।

परोपकाराय दुहन्ति गावः।

परोपकारार्थमिदं शरीरम्॥

ज्याप्रमाणे झाडे इतरांसाठी फळे देतात आणि सावली देतात, नद्या इतरांची तहान भागवण्यासाठी वाहतात आणि गायी इतरांच्या पोषणासाठी दूध देतात, त्याचप्रमाणे माणसाचे शरीर आणि जीवन हेही इतरांच्या सेवेसाठी आणि समाजाच्या कल्याणासाठी उपयोगी पडावे, असा या विचाराचा अर्थ आहे.

नारायण सेवा संस्थान’ तुम्हा सर्वांना आवाहन करते की, १९ आणि २० सप्टेंबर २०२६ रोजी उदयपूर येथे होणाऱ्या या ४७ व्या दिव्यांग आणि गरीब जोडप्यांच्या सामूहिक विवाह सोहळ्यात एकत्र या, आणि सेवा व करुणेचा हा उत्सव यशस्वी करा.

सर्व दानशूर व्यक्ती आणि हितचिंतकांना विनंती आहे की, त्यांनी आपल्या क्षमतेनुसार सेवेचा संकल्प करावा आणि या गरजू जोडप्यांच्या नव्या आयुष्याची सुंदर सुरुवात करण्यात आपले योगदान द्यावे.