- +91-7023509999
- +91-294 66 22 222
- info@narayanseva.org
Narayan Seva Sansthan, ਜੋ ਕਿ ਇੱਕ ਗੈਰ-ਮੁਨਾਫਾ ਸੰਸਥਾ (ਐਨ.ਜੀ.ਓ.) ਹੈ, ਨੇ ਦਿਵਆਂਗ ਸਪੋਰਟਸ ਅਕੈਡਮੀ ਸ਼ੁਰੂ ਕੀਤੀ ਹੈ। ਇਹ ਖੇਡਾਂ ਦੇ ਰਾਹੀਂ ਕਿਸੇ ਵੀ ਤਰੀਕੇ ਨਾਲ ਵਿਕਲਾਂਗ, ਬੋਲ਼ੇ ਅਤੇ ਗੂੰਗੇ ਅਤੇ ਨੇਤਰਹੀਣ ਲੋਕਾਂ ਦਾ ਸ਼ਸਕਤੀਕਰਨ ਕਰਦਾ ਹੈ। NGO (ਐਨ.ਜੀ.ਓ.) ਦਾ ਉਦੇਸ਼ ਇਸ ਅਕੈਡਮੀ ਰਾਹੀਂ ਪਛੜੇ ਅਤੇ ਦਿਵਿਆਂਗ ਲੋਕਾਂ ਵਿੱਚ ਜੋਸ਼ ਭਰਨਾ, ਮਨੋਰੰਜਨ ਕਰਨਾ ਅਤੇ ਚੰਗੀ ਮਾਨਸਿਕ ਸਿਹਤ ਬਣਾਉਣਾ ਹੈ।
ਵ੍ਹੀਲਚੇਅਰ ਕ੍ਰਿਕਟ ਟੂਰਨਾਮੈਂਟ, ਨੇਤਰਹੀਣ ਕ੍ਰਿਕਟ ਟੂਰਨਾਮੈਂਟ, ਪੈਰਾ ਸਵਿਮਿੰਗ (ਤੈਰਾਕੀ) ਅਤੇ ਪੈਰਾ ਟੈਨਿਸ ਕੁੱਝ ਅਜਿਹੀਆਂ ਗਤੀਵਿਧੀਆਂ ਹਨ ਜੋ ਦਿਵਿਆਂਗ ਸਪੋਰਟਸ ਅਕੈਡਮੀ ਵਿੱਚ ਕਰਵਾਈਆਂ ਜਾਂਦੀਆਂ ਹਨ। ਦਿਵਿਆਂਗ ਖਿਡਾਰੀਆਂ ਨੂੰ ਤਜਰਬੇਕਾਰ ਕੋਚਾਂ ਦੁਆਰਾ ਖੇਡਾਂ ਅਤੇ ਐਥਲੈਟਿਕਸ ਵਿੱਚ ਉਹਨਾਂ ਦੀ ਪ੍ਰਤਿਭਾ ਅਤੇ ਹੁਨਰ ਨੂੰ ਨਿਖਾਰਨ ਲਈ ਹਰ ਕਿਸਮ ਦੀਆਂ ਖੇਡਾਂ ਵਿੱਚ ਸਿਖਲਾਈ ਦਿੱਤੀ ਜਾਂਦੀ ਹੈ। ਸੰਸਥਾ ਦਾ ਉਦੇਸ਼ ਆਊਟਡੋਰ ਸਪੋਰਟਸ (ਬਾਹਰ ਖੇਡੀਆਂ ਜਾਣ ਵਾਲੀਆਂ ਖੇਡਾਂ) ਅਥਲੀਟ ਵਜੋਂ ਉਹਨਾਂ ਦੀ ਪ੍ਰਤਿਭਾ ਨੂੰ ਨਿਖਾਰਨਾ ਅਤੇ ਆਤਮ ਵਿਸ਼ਵਾਸ ਪੈਦਾ ਕਰਨ ਲਈ ਉਦੈਪੁਰ ਵਿੱਚ ਪ੍ਰਤਿਭਾਸ਼ਾਲੀ ਦਿਵਿਆਂਗ (ਵਿਕਲਾਂਗ) ਵਿਅਕਤੀਆਂ ਨੂੰ ਅੰਤਰਰਾਸ਼ਟਰੀ ਪੱਧਰ ਦੀਆਂ ਸਹੂਲਤਾਂ ਦੇਣਾ ਹੈ। ਸੰਸਥਾ ਵੱਲੋਂ ਇਸ ਮੰਤਵ ਲਈ ਰਾਸ਼ਟਰੀ ਪੈਰਾ-ਸਵਿਮਿੰਗ ਸਪੋਰਟਸ ਕੰਪਲੈਕਸ ਵੀ ਬਣਾਉਣ ਦੀ ਤਜਵੀਜ਼ ਹੈ।
ਪੈਰਾਸਪੋਰਟ ਨਾਲ ਦਿਵਿਆਂਗ ਲੋਕਾਂ ਦੀ ਮਾਨਸਿਕ ਸਿਹਤ ਚੰਗੀ ਹੁੰਦੀ ਹੈ।
ਉਹਨਾਂ ਨੂੰ ਆਪਣੇ ਜੀਵਨ ਵਿੱਚ ਅੱਗੇ ਵਧਣ ਲਈ ਪ੍ਰੇਰਣਾ ਮਿਲਦੀ ਹੈ।
ਪੈਰਾ ਸਪੋਰਟਸ ਸਮਾਜਿਕ ਸ਼ਮੂਲੀਅਤ, ਲਿੰਗ ਸਮਾਨਤਾ, ਅਤੇ ਨੌਜਵਾਨ ਸਸ਼ਕਤੀਕਰਨ ਲਈ ਪ੍ਰਬਲ ਸਾਧਨ ਹੈ।
ਨਾਰਾਇਣ ਸੇਵਾ ਸੰਸਥਾਨ ਦਾ ਮੰਨਣਾ ਹੈ ਕਿ ਪੈਰਾ-ਸਪੋਰਟ ਦਿਵਿਆਂਗ ਲੋਕਾਂ ਦੇ ਫਿੱਟ (ਤੰਦਰੁਸਤ) ਰਹਿਣ ਦੇ ਲਈ ਬਹੁਤ ਜ਼ਰੂਰੀ ਹੈ।
ਦਿਵਿਆਂਗ ਸਪੋਰਟਸ ਅਕੈਡਮੀ ਦਾ ਉਦੇਸ਼ ਪੈਰਾਲੰਪਿਕ ਖੇਡਾਂ ਨੂੰ ਵਿਸ਼ਵ ਪੱਧਰ ਤੇ ਉਤਸ਼ਾਹਿਤ ਕਰਨਾ ਹੈ।
